Россия Запороже атом электр станциясининг фаолиятини бутунлай тўхтатди
Хабарларга кўра, ишлаб турган сўнгги реактор “совуқ ўчириш” ҳолатига қўйилган.
"Ҳозирда Запороже АЭСнинг барча олти энергоблоклари “совуқ ўчириш” ҳолатига ўтказилган", деб ёзади Россия ОАВлари.
Украина бу борада ҳозирча изоҳ бермади.
Эслатиб ўтамиз, сўнгги пайтларда АЭС тез-тез дрон ҳужумларига учраб турган. Россия ва Украина зарбалар учун бир-бирини айблайди. МАГАТЭ Запороже АЭСга ҳужум тўхтатишга ва объектда хавфсизликни таъминлашга чақириб келаётган эди.